ಮನಸ್ಸೆಂಬ ಮನೆ

ಮನಸ್ಸೆಂಬ ಮಾಳಿಗೆ   ಮನೆಯಲ್ಲಿ , ಪುಟ್ಟದೊಂದು ಕೋಣೆ ಕೊನೆಯಲ್ಲಿ

ವಾಲುತಿಹುದು ,ಪ್ರೀತಿಯಾ ಜೋ-ಕಾಲಿ ನಡುವಲ್ಲಿ ||

ತೂಗುತಿರುವರು ಯಾರೋ ? ಎನ್ನುವ ಪ್ರಶ್ನೆ ,ಇರುವ ಎರಡಾಯ್ಕೆ ,

ಸ್ನೇಹ ಒಂದಾದರೆ   ,ಮೋಹ  ಮತ್ತೊಂದಂತೆ ,

ನೆರೆಹೊರೆಯಲ್ಲಿ ಸೇರಿ ಬೆರೆತು  ಹೋದಂತೆ।।

ಗುಡಿಯಲ್ಲಿ ಪೂಜೆ ದಿನ ನಡಿಯುತಿರುವಂತೆ,

ಗಂಟೆಯಾ ಸದ್ದು ಬರುತ್ತಿದೆ , ಡವ  ಡವ  ಹೃದಯದಿಂದ  ।

ಚಂದಾದ ಚಾವಣಿಯು ಕಟ್ಟಡಕ್ಕೆ , ಪಕ್ಕದ ಪಕ್ಕೆಲಬು ಈ ಹೃದಯಕ್ಕೆ

ಧಮನಿಯ ನೆತ್ತರು ಒಂದಕ್ಕೆ , ಜಳ   ಜಳ - ನೀರಿನ ಕಲರವ ಮತ್ತೊಂದಕ್ಕೆ ।।

ನಾನಾ  ಜನರು ಸೇರಿ ಆಗುವುದು ಸಂತೆ ,

ನಾಲ್ಕಾರು ವಿಷಯಕ್ಕೆ ,ಆಗುವುದೇ ಚಿಂತೆ ।

ಮತ್ಯಾರು ತಿಳಿದಿಹರು ನಮ್ಮನೆಯ ಹುಳುಕ

ಗೊತ್ತಾದ್ರು ತಿಳಿಸದಿರಿ ಮನಸ್ಸಿನ ಅಳುಕ ।।

                                                          --ಗೋ ನಾ ರಾಮಕೃಷ್ಣ ಭಟ್