ಅನಿಸಿಕೆ

ನನ್ನಯ ಮನಸ್ಸಿನ ಅನಿಸಿಕೆ|

ಸವಿ ಸಂತೋಷ ನನಗೀಗ ಮರೀಚಿಕೆ||

ಮಾಸಿದೆ ಈ ಜೀವ ,ತಡಿಯದೇ ನೋವ|

ಹುದುಗಿಹ ಕನಸನು, ಮಾಡಿಹೆ  ನಿರ್ಜೀವ||

ನೋ ವೀನ  ದಂತಕಥೆ ,ನನ್ನ ಈ ವ್ಯಥೆ|

ಅದರಲ್ಲಿ ಏನಿಹುದು ಅಂತ ಸಾರ್ಥಕತೆ ||ನನ್ನಯ||

ಕಳೆದೋದ ಕಾಲ ಮತ್ತೆ ಬಂದರೆ,

ನನ್ನ ಆ ಹಳೆ ಆಸೆಗಳ  ರಾಶಿ ತಂದರೆ

ಯೋಚಿಸಿ ಗೆಲ್ಲವ ಆಸೆ,

ಅದುವೇ  ನನ್ನ  ಕೊನೆಯ ಆಸೆ || ನನ್ನಯ||

                                                                                --ಗೋ ನಾ ರಾಮಕೃಷ್ಣ ಭಟ್ 

ಚಿಂತೆ

ಚಿಮ್ಮುತ ಚೀರಿವೆ ಚಿಂತೆಗಳು|

ಚಿಂತೆಯ ಹಿಂದೆ ಅವಳಿಹಳು||

ಆಸೆಗಳ ಕಾಲ ಹುಸಿಯ ತಂದಿದೆ|

ನಿರಾಸೆಗಳ ಧಾರೆ ಹರಿಸಿದಂತಿದೆ||

ಗತಕಾಲದ ನೆನಪು ತುಂಬಿಹ ನನ್ನ ಪುಸ್ತಕ ,

ಫ್ರಥಮ ಪುಟವನು ಮನದಿ ನೆನೆದರೆ,

ಗಹಗಹಿಸಿ ನಗುವ ಅವಳಿಹ ಸಮಯ|

ಕೊನೆಯ ಪುಟದ ತನಕಹಾಗೆ ತಿರುವಲು,

ಆ ಹರ್ಷವೆಂದರೇನು ನಾನು ಮರೆಯಲು,

ಕಾರಣವೆ ಅವಳಕಣ್ಮರೆ ಸಮಯ||ಚಿಮ್ಮುತ||

ಚಿತೆಯು ನಿರ್ಜೀವವಾದ ಶವವ ಸುಟ್ಟರೆ

ಚಿಂತೆಗಳು ನನ್ನ ಸಜೀವ ದಹಿಸಿವೆ|

ಈ ದಹನದಲಿ ಕೂಡ ನಿನ್ನ ಸ್ಮರಿಸುವೆ

ಆ ಸ್ಮರಣೆಯಲ್ಲು ಕೂಡ ನಿನ್ನನೆ ಸೇರುವೆ||

                                              --ಗೋ ನಾ ರಾಮಕೃಷ್ಣ ಭಟ್